1987: When the Day Comes (2017)

ဒီဇာတ်ကားကို လွန်ခဲ့တဲ့နှစ်သုံးဆယ်ကာလက တောင်ကိုရီးယားနိုင်ငံမှာ ဖြစ်ပျက်ခဲ့တဲ့ ဖြစ်ရပ်မှန်အကြောင်းအရာတွေကို အခြေခံပြီး ရိုက်ကူးထားပဲဖြစ်တယ်။ အဲဒီအချိန်တုန်းက တောင်ကိုရီးယားနိုင်ငံဟာ အခုလို ဖွံ့ဖြိုးပြီးနိုင်ငံမဟုတ်သေးပါဘူး။ စစ်အစိုးရနဲ့ အာဏာပိုင်တွေရဲ့ ခေါင်းပုံဖြတ်မှုတွေကို ပြည်သူတွေ လည်စင်းခံနေရတဲ့အချိန်၊ အဲဒီလိုဖိနှိပ်ချုပ်ချယ်မှုတွေကို မခံနိုင်တဲ့အဆုံးမှာ ကျောင်းသားတစ်စုဟာ စစ်အစိုးရကို ဆန့်ကျင်တဲ့အနေနဲ့ လမ်းမပေါ်ထွက်ပြီး ဆန္ဒပြတော့တယ်။ အင်အားကြီးသူ နိုင်စတမ်းဆိုသလို အဲဒီဆန္ဒပြမှုမှာ အနိုင်ရရှိသွားသူကတော့ အာဏာပိုင်တွေပါ။ ဆန္ဒပြကျောင်းသားတစ်ဦးဖြစ်တဲ့ အသက်၂၁ နှစ်အရွယ် ဆိုးလ်တက္ကသိုလ်က ကျောင်းသား ဘတ်ဂျုံချော အပါအဝင် ဆန္ဒပြသူအချို့ကို အာဏာပိုင်တွေ လက်ဝယ်ဖမ်းဆီးရခဲ့တယ်။ ကျုပင်ခုတ် ကျုငုတ်ပါမကျန်အောင် ရှင်းမယ်ဆိုတဲ့အကြံနဲ့ အာဏာပိုင်တွေဟာ အဖမ်းဆီးခံကျောင်းသား ဘတ်ဂျုံချောကို နှိပ်စက်နည်းပေါင်းစုံနဲ့ နှိပ်စက်ပြီး ဆန္ဒပြမှုနဲ့ပတ်သတ်တဲ့ အကြောင်းအရာတွေကို စစ်ကြောမေးမြန်းခဲ့တယ်.. ၁၉၈၇ ခုနှစ် ၁ လပိုင်းမှာ အဖမ်းခံခဲ့ရတဲ့ ဒီမိုကရေစီလှုပ်ရှားသူ တက္ကသိုလ်ကျောင်းသားလေး ဘတ်ဂျုံချောဟာ ရဲအရာရှိတွေရဲ့  ညှဉ်းပန်းနှိပ်စက်ပြီး စစ်ဆေးမေးမြန်းမှုကြောင့် ဆုံးပါးသွားခဲ့ပါတယ်။ ရဲအရာရှိတွေက ဘတ်ဂျုံချောအမှုကို ဖုံးဖိပြီး ခြယ်လှယ်လုပ်ကြံဇာတ်ခင်းဖို ကြိုးစား‌နေကြတဲ့ ကြားကနေ အမှန်တရား ပေါ်ပေါက်လာအောင် အသက်စွန့်ကြိုးပမ်းခဲ့ကြတဲ့ တက္ကသိုလ်ကျောင်းသားများ၊ မီဒီယာများရဲ့ ၁၉၈၇ ခုနှစ် ၆ လပိုင်း အရေးတော်ပုံအကြောင်းကို အခြေခံပြီး ပြန်လည်ရိုက်ကူးပုံဖော်ထားတဲ့ ရုပ်ရှင်လေးပဲဖြစ်ပါတယ်..